Türkmenistanyň Agrar partiýasynyň welaýat komiteti we welaýat ýörite sungat mekdebi Milli bahar baýramy mynasybetli «Ülkäme saz bolup gelen Nowruzym» atly aýdym-sazly dabara geçirdiler. Ýokary ruhubelentlige beslenen dabarada Arkadagly Gahryman Serdarymyzyň baştutanlygynda ýurdumyzda durmuşa geçirilýän beýik işler barada gürrüň edildi. Onda okuw mekdebimiziň taýýarlamagynda talyplaryň birnäçe çykyşlaryna orun berildi. Talyplarymyz ýekelikde baýramçylygy, milliligimizi wasp edýän estrada we halk aýdymlaryny, sazlaryny ýerine ýetirmekde ussatlyklaryny görkezdiler.
Dabarada halkymyzy bagtyýar durmuşda ýaşadýan, medeniýet we sungat işgärlerine giň mümkinçilikleri döredip berýän Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, tutumly işleriniň hemişe rowaç bolmagy arzuw edildi.