Bagşyçylyk sungaty bölümi zehinli bagşylary, öz ugurlary boýunça tejribeli hünärmenleri taýýarlap ýetişdirýär. Olara bagşyçylyk sungatynyň inçe tilsimleri, bagşyçylyk ýollary öwredilýär.
Hünärmen orta hünär okuw mekdeplerinde, çagalar sazçylyk, sungat we umumy bilim berýän orta mekdeplerde, aýdym-saz döredijilik toparlarynda, sungat we bilim ulgamynda ýekelikde aýdym aýtmak (bagşyçylyk) sungaty boýunça, bagşyçylyk toparlary bilen konsert çärelerinde çykyş etmek üçin taýýarlanylýar.
Häzirki zaman ösüş şertlerinde aýdym-saz ulgamynyň döredijilik ugurlaryna bolan talaplaryň artmagy bilen medeniýetiň bu ugruny kämil derejä ýetirmek, medeni-köpçülik we konsert çäreleriniň, şol sanda bagşyçylyk sungatynyň milli we nusgawy aýratynlyklaryny kemala getirmek hünärmeniň esasy wezipeleri bolup durýar.
Bagşyçylyk sungaty bölüminiň uçurymlaryna bagşy, bagşyçylyk toparynyň ýolbaşçysy, çagalar sazçylyk, sungat mekdepleriniň mugallymy käri berilýär. Olar okuwy tamamlanlaryndan soňra çagalar sazçylyk, sungat mekdeplerinde, Medeniýet ulgamyna degişli bolan edaralarynda işlemek hukugy berilýär. Bagşyçylyk sungaty hünäri boýunça okuw möhleti 3 ýyl 10 aý.