Ahalteke bedewleri — buýsanjymyz hem şanymyz,

At-myrada ýetir munda, ýagşydyr niýet-pälimiz, 

Bu toprak zere beslenen, egsilmez genji-känimiz, 

Öňe, öňe, diňe öňe bedew batly Türkmenistan!

Halkyň milli mirasynda gadymyýetiň sedasy bar, 

Seýkin basýan bedewlerde gyz-gelinleň edasy bar, 

Taryhy waspa mynasyp, halkyň milli mirasy bar,

Öňe, öňe, diňe öňe bedew batly Türkmenistan!

Tug buýsançdyr türkmen üçin, mertebedir, et sen togap,

Watanyňa yhlas etseň, bolar ýagşy amal-sogap,

Döwür-döwran, bagtyýar ýurt göýäki jennete kybap,

Öňe, öňe, diňe öňe bedew batly Türkmenistan!

Arkadagyň sahawaty nura beslär göwnümizi,

Arkadagly Serdar bezär beýik işde döwrümizi,

Bu mekan baky bahardyr, bagta beslär ömrümizi,

Öňe, öňe, diňe öňe bedew batly Türkmenistan!